Reisevorbereitung

Schweiz

Frankreich

In Frankreich sind wir von Belley nach Voiron, Annonay, Rodez, Albi, Toulouse und Auch gereist. In der Naehe von Auch haben wir dann ein junges Auswandererpaar aus der Schweiz besucht. S'Lotti und de Marc us Luzär händ e sehr, sehr chlini Farm kauft, miteneme sehr, sehr baufällige Hüttli druf. Sie läbed jetzt döt und gnüsseds wies chunt. Vorher sind's es Jahr in Südamerika bi de Indianer gsi. Wie bleiben zwei Tage bei ihnen..

Andorra

Spanien

Mir fahred richtig Uerda uf Vinaroz, Benicarl as Meer abe. Uf em Wäg dört abe fangemer doch tatsächlich no en Platte i. Zum Glück hmer's Reserverad nöd dehei vergässe. .

Mir braused dänn de Küste no Südwärts Richtig Beuja. Das Kaff isch es paar km nördlich vo Benidorm. Uf em Weg döt abe gits no meh Panne. Emole wämmer am Morge, nocheme gedigene Zmorge am Strand wiiter. 3km nochem abfahre stockt de Bus, bis zum Stillstand

Miteme Handbuech "Jetz helf ich mir selbst" (uf de VW Bus bezoge) (weil mir isch eh nüme zhelfe) hämer de Schluss zoge, natürlich nach allne erforderliche Tests, dass d'Benzinpumpi muess im Arsch sie. Mir händ äs vomene ältere Französische Pärli mitem Wohnmobil zum Strand zruggschleppt. Vorher hämer aber im Dorf wome stönd, miteme Garagist abklärt, dass es öppe bis am nächste Mittwoch giengi bis die neu Pumpi vo Barcelona uf Alicante und vo Alicante zu eus per Post chunt. Hüt, d.h. Zeit resp. Datum des Defektes war en Friitig, 10.10.97. Am Sunntig isch denn en andere Franzos cho und hät welle de Motor aluege. Mittlerwile händ eh alli im Dorf gwüsst, was mit eus isch und wer eus z'erscht ghullfe hät. Dä "zweiti" Franzos, mitem Name Rene hät öppis verstande vo Motore, und erstens usegfunde, dass doch no eis Zündkabel am Zündverteiler falsch igsteckt gsi isch (Roger schäm dich!) Zweitens hät er gmeint, dass es äd a dr Pumpi ligi, weil nachem richtigstelle vo dr Zündig isch's Auto wider gloffe. Sondern, de Wage hebi gstockt bis zum Stillstand, veil mit Dreck im Tank hebed, wo sich bi fast leerem Tank am Abfluss festsugi, und de Motor desshalb kei Spritt me überchämi. Und siehe da, nachem richte lauft doch die Karre wieder wie es Drehörgeli. Eso chömed mer bis uf Benisa, wo d'Marion und de Giovanni, d'Christa und de Sepp grad Ferie mached. Mir gönd die vier für zwei Tag go Bsueche. Nachdemmer bi dene abfahred, lerneme no en dütsche Pole mit sinere Frau und Tochter kenne. Dät gebis au no e Stori, wo aber de Rahme scho sprenge wär. (Anm. Sandra: Ueber den Polen lassen wir uns eine occasions-Benzinpumpe per DHL von Hamburg nach Alicante schicken die später in Togo zum Einsatz kam.) Uf alli fäll blibemer bi dene au no en Tag.

Salobreno

Granada

Grandada chame witerempfehle. Döt genehmiget mir eus au i dr erste Nachte es türs Hotel und gnüssed es Bad innere richtige Badwanne, sowie es richtigs WC zum sch....

Gibraltar

Nach Granada wider uf dem Asphalt uf Antequera, Maluja und de Küste no uf Gibraltar. Wemmer vo Gibraltar, was jo bekanntlich no de Brite kört uf Spanie zrugg will, muess mer scho es Stündli iiplane. Ich glaube de Spaniöggel gfallts nöd so, dass d'Brite no do sind, drum dönts Grenze nüd uf, sondern jede Autofahrer muess mindestens no de Inhalt vo sinem Kofferrum zeige. De südlichsti Punkt Grossbritanniens isch drum z'empfehle, weill die sonen Felse händ, wo die grössti Klippe über 400 Meter senkrecht abfallt. Beindruckend wämer do obe stoht und de Möve bim Segle im Ufwind zuelueget. Wenn dänn, warum au immer, alli Möve glichziitig startet und us dr Felswand useflüget, das isch scho überwältigend. Usserdem gseht mer uf Marokko übere. Es komischs Gfühl, wemmer gseht wie nöch Afrika, Europa chunt.

Ach ja, fast hät ich's vergessen. Erfahrung mit den Sandblechen haben wir in Spanien am Strand auch bereits gesammelt. Ich konnte es natürlich nicht lassen, und musste die Sandtauglichkeit unseres Busses testen. Resultat gleich UNTAUGLICH im höchsten Grad. Wir gruben uns bis zur Hinterachse ein. Was solls, jetzt wissen wir wenigstens, dass wir mit der Schaufel durch die Sahara müssen.